انا مصرى

أنــــــــا مصـــــــــــــرى
أنا مصرى بغنيلك
ورويت عطشى بماء نيلك
بغنيلك
يا بلدى يا صفحة فى كتابى
يا لمة شملى وأحبابى
طول عمرى فاتح بابي
لضيوفك واللى طالبينك
بغنيلك
من اول جدنا خوفو
أقول للعالم شوفو
حضارة شايلها على كفوفى
حاسدينك عليها ولاد جيلك
بغنيلك
وأحمس الفتى المغوار
تلاقيه دايما فى وسط النار
حارب وهزم الاستعمار
وصان حبك ومحبينك
بغنيلك
ولما إمتزجت حضاراتك
مع الباقيين من إخواتك
وزادت يا مصر ثقافاتك
على عصرك وسنينك
بغنيلك
وفجاة جيه الاستعمار
فرنسية وبريطان
وزادت حمية الثوار
وحرروا أرضك وماء نيلك
بغنيلك
ولما جات النكسة
والعدو فرحان وعامل حفلة
كأننا لسه فى اللفة
فى المهد نايمين على سريرك
بغنيلك
وجيه اللى إنتظرناه
لما الجنود عبروا القناة
وقلب العدو دوسناه
ودبحناهم بسكاكينك
بغنيلك
وإحنا الآن بنمى
بين أحضان يا ناس امي
ازرع واصنع وراح همى
وامسح عرقى بمناديلك
بغنيلك
يا وردة فى حديقة الكون
يا نسمة هوا مكنون
دا انا بحبك مجنون
واطبع قبلتى على جبينك
بغنيلك
يا مصر الكرم فينا
والناس بتعشقك وادينا
ويوم الفرح تلاقينى
تغنيلى وأغنيلك
بغنيلك
ورويت عطشى بماء نيلك
بغنيلك

بقلم : محمد على